مكتبتش شعر فى حد بس هكتبوا فيك
لان كل كلام الشعر مايوصفش نور عنيك
وكل قصائد الحب مش ممكن تكفى اعجابى بيك
ولو هديتك حديقة ورد هغير من الورد عليك
ولو مره زعلك حد هجيبه يبوس ايديك
لاء…مش هخليه يلمس ايديك هيركع بس ليك
ولو قلت انك جميل الجمال قليل عليك
بجد القمر ينطق لو بص مره لعنيك
والورد يبقي احلى لو لمسته ايديك
وكلامي يبقي غنوه لو بس قولته ليك
القمر لو مره فكر انوا ينادي عليك
هاقتله وان شاله تضلم وكفايه نور عنيك
البدر نوره ليله وبقيت الشهر ليك
ده البدر لو مره شافك هيسيب الارض ليك
لو مره دموعك نزلت ولمست ورده تحبك
الورده تتحرك وتمسح دموع عنيك
واياك حد يلمس خدك او عنيك
حتى لو ورده بغير منها عليك
محدش غيرى .يمسح دموعك ويبوس عنيك
ممكن اقرب منك واقعد بين ايديك
وسيبنى اشوف عنيك واقولها مره ليك
بحبك بعقلى وروحى بتموت فيك
- كلام حب بالعامية المصرية
- شعر بالعامية عن الحب
- اشعار حب بالعامية المصرية
- كلام حب بالعامية
- شعر رومانسي بالعامية المصرية
- شعر حب بالعامية
- اشعار حب مصرية
- قصائد حب عامية
- شعر حب مصرى بالعامية
- شعر رومانسي عاميه
الإبتساماتإخفاء